हामी सबैकाे संसारन्यूज

उत्तम विचार
नुवाकोट हाल काठमाडौं

वाद फेरिए तन्त्र छन् नयाँ
जप्न तम्सिए मन्त्र छन् नयाँ ।
चल्दछन् यहाँ नित्य उत्सव
देश भासियो उठ्छ के अब ।।१।

सुन्छ चोकमा भव्य भाषण
मर्छु भोकमा छैन रासन ।
बाँच्छ के अझै जिन्दगी मरी
देश भासियो उठ्छ के गरी ।।२।

छन् युवा सबै देश बाहिर
घाटझैँ भयो पूज्य मन्दिर ।
प्रेम भावना मासिँदै गयो
आज देशको दुर्दशा भयो ।।३।

लास उठ्न नै देख्छु मुस्किल
जम्छ आँसुको नेत्रमा झिल ।
काम खोज्नमै दक्षता भुल्यो
देश रित्तियो भ्रष्टले निल्यो ।।४।

विज्ञका कुरा सुन्छ को यहाँ
देश अग्लियोस् भन्छ को यहाँ ।
आसमा थियौँ बन्छ देश यो
स्वर्गझैँ थियो नर्कझैँ भयो ।।५।

छन्द : द्रुता वा सुन्दरी
गण : र य ज गु
गण सङ्केत : SlS lSS lSl S