Sansar News
काठमाडौँ । आज साताको दोस्रो दिन नेप्से परिसूचक प्रि ओपन सेसनमा साढे १९ अंकले बढेको छ ।
अघिल्लो कारोबार दिन अर्थात आइतबार ११.५८ अंक बढेर २५८८.३५ विन्दुमा बन्द भएको नेप्से आज उक्त सेसनमा १९.५० अंक बढेर २६०७.८५ विन्दुमा पुगेको छ । त्यस्तै, सो सेसनमा सेन्सेटिभ इण्डेक्स ५.०८ अंक बढेको छ।
सोमबार प्रि ओपन सेसनमा ६१ स्टकको ८५ पटकको कारोबारमा ११ लाख ८२ हजार ७७८ रुपैयाँ ४० पैसाबराबरको २ हजार ६३५ कित्ता शेयर खरिदबिक्री भएको छ। जसमध्ये ४२ स्टकको मूल्य बढेको छ भने १५ स्टकको मूल्य घटेको छ। बाँकी ४ स्टकको मूल्य सो सेसनमा स्थिर रहेको छ ।
वि.सं.२०८१ असोज ७ सोमवार १०:५९ मा प्रकाशित
