हामी सबैकाे संसारन्यूज

काठमाडौं । एनएमबि बैंकले एसियाली प्याराओलम्पिक खेलकुदमा नेपाललाई पहिलो कास्य पदक दिलाउन सफल प्यारातेक्वान्दो खेलाडी पलेशा गोबर्धन र उनका प्रशिक्षक कविराज नेगी लामालाई सम्मान गरेको छ ।

बैंकले पलेशालाई उनको अभुतपूर्व उपलब्धिको सम्मानमा नगद पुरस्कार रु. ५ लाख १ हजार र उनका प्रशिक्षक कविराजलाई रु. १ लाख १ हजार रुपैयाँ प्रदान गरेको हो ।

बैंकका अनुसार पलेशा गोबर्धनको प्रतिनिधित्व गरी उनको अभिभावकले उक्त नगद ग्रहण गरेका थिए । पलेशाको उपलब्धि र नेपालमा खेलकुदको भावनाको सम्मान गर्दै एनएमबि बैंकको विशेष समारोहमा गोबर्धन र उनका प्रशिक्षकलाई सम्मान स्वरुप नगद हस्तानतरण गरिएको बैंकले जनाएको छ ।

बैंकले हाल देशभर २०१ शाखाहरु, १८७ एटिएमहरु र ११ एक्सटेन्सन काउन्टरहरु मार्फत उच्चस्तरीय सेवा प्रदान गर्दै आइरहेको जनाएको छ ।