Sansar News
बिके मुखिया, दार्जिलिङ, भारत
जनता मूर्ख, नेता अधर्मी झुटा छन्
खोज्दै भाग्य खाडी पुगेका युवा छन्
बालक वृद्ध देख्दै छु सहारा बिनाका
हाम्रो भाग्य लेख्ने विधाता कता छन्
अग्ला छन् महल जुन उज्यालो त्यहीँ छ
झुपडीमा घुसेका अँध्यारा घना छन्
भो गणतन्त्र कस्तो अनौठो कथाझैँ
कुर्सीमा लुटेरा बसेका सदा छन्
लेखेको छु आफ्नै दुखेसो कहानी
हरदम यी परेली रुझेका कथा छन्
बहर : घनु
अर्कान : मफ्ऊलातु फैलुन् फऊलुन् फऊलुन्
वजन : २२२१ – २२ – १२२ – १२२
काफिया : आ ( एकाक्षरी )
रदिफ : छन्
वि.सं.२०८१ मंसिर ८ शनिवार ०४:५८ मा प्रकाशित
