Sansar News
इन्दिरा चापागाईं
हाल- सूर्यविनायक न. पा. ५, भक्तपुर
नेपाली नागरिक आयो र एक हातले उसको कठालो समात्यो । अर्को हातले साबुन पानी हालेर बेस्सरी टाउकाको मयल माड्न थाल्यो ।
“हैन मलाई के गर्न लागेको ?”, टाउकोले आत्तिदै सोध्यो ।
“साह्रै फोहोरी भईस् । डुङडुङ्ति गन्हाइस् । तँलाई नुहाइदिनु प¥यो ।”, नागरिकले भन्यो ।
टाउको पखाल्दै गर्दा त्यही साबुन पानी क्रमशः शरीरको तल्लो भागतर्फ बग्दै गयो र सबै अङ्ग प्रत्यङ्ग क्रमशः सफा हुँदै आए ।
“नेपालका जनताले देशमा भ्रष्टाचार घटेको र सुसाशन बढेको प्रत्याभूति गर्न थालेका छन् ।”, एक संचार संस्थाले समाचार भन्यो ।
वास्तवमा त्यो सफा गरिएको टाउको राजनीतिक नेतृत्व थियो भने शरिर प्रशासनिक संयन्त्र ।
वि.सं.२०८१ मंसिर १५ शनिवार ०५:१४ मा प्रकाशित
