हामी सबैकाे संसारन्यूज

भुवन शिवाकोटी चौघरे, काठमाडौं

ऊ
फराकिलो
चिल्लो सडकमा
पाङ्रामाथि हिड्ने मान्छे
हाम्रो घर अगाडिको अँध्यारो
साँघुरो गल्लिमा
हिड्दैन

त्यहाँ
सडक बत्ति छैन
चिसो छ
हुलका हुल
भुस्याहा कुकुरहरू मात्र छन
उसलाई देखेर ती कुकुर भुक्छन
कहिले कहिले
भुक्दै
लघार्दै आउँछन

साँच्चै,
उसको घरको कुकुर जस्तो बफादार
गल्लिका कुकुर हुँदैनन्
भन्छ ऊ

तेसैले ऊ
एक्लै हिड्दैन
थुप्रै मान्छेहरूले घेरिएर गल्लिमा पस्छ
र चोकमा निस्कन्छ

चोकमा निस्किएपछि
ऊ
हाम्रो त्यही गल्लि
चौंडा बनाउने सपना सुनाउँछ
तेही गल्लिमा ढोका जोडिएको
हामी साना मान्छेको
निवास छ

जाडोमा होस वा गर्मीको अँध्यारोमा
हामी साना भुईँमान्छेहरू
कठ्यांग्रिएर निदाएका हुन्छौं
जसलाई
रातभरी पनि ब्यूँझिरहने उसले
कहिल्यै चिन्दैन ।