हामी सबैकाे संसारन्यूज

वसन्त अनुभव, घोराही, दाङ

स्यालले आयोजना गरेको पत्रकार सम्मेलनमा थुप्रै जङ्गली जनावरहरूको उपस्थिति रहेको थियोे ।
–‘हाम्रा राजा सिंह, एक डाइनामिक, दुरदर्शी, इमानदार राजा होइसिन्छ । यहाँजस्तो न हिजो थियोे, न भोलि नै हुनेछ ।’ प्रशंसाको पुल बाँध्दै स्यालले चिच्यायो ।

हिजोसम्म सिंहलाई देखिनसहने, सदा उछितो काँढ्न तत्पर हुने स्यालको कुरा सुनेर उपस्थित जङ्गली जनावरहरू केहीक्षण अलमलमा परे । तर पनि ब्वाँसोको धम्कीपूर्ण इसारा पाउनेबित्तिँकै सबैले गडगडाहट ताली ठोके ।

खुल्दुलीले नील गाईको पेट ओमठेर आयो । खपिनसक्मु भएपछि उसले जरायोको कानमा खुसुक्क छाद्न पुग्यो, –‘हिजोसम्म निरङ्कुश, तानाशाह, भ्रष्ट, .. केके हो केके भनी उछितो काँढेर नथाक्ने यहीँ स्याल हैन ? एक्कासि आज के भएछ, यसलाई ?’

–‘के हुनु नि ! सिंहले यसलाई उपराजा बनाएदेखिन् यसको घडाबाट अमृतबाहेक केही बग्ने गरेको छैन ।’ स्यालको उपहास उडाउँदै जरायोले भन्यो ।