Sansar News
शोभा आचार्य गौतम, काठमाडौँ
१.
लेख्दै छु आज
पुस माघको जाडो
दुखीको राज ।
२.
चुहिने छानो
छैन न्यानो लाउन
रित्तो छ मानो ।
३.
छैन नि खान
कठ्याङ्ग्रिने यो चिसो
खै समाधान ।
४.
कट्छ कसरी
परालको छ आगो
न आओस् झरी ।
५.
खतरनाक
दुखीको त्यो अवस्था
नगर धाक ।
६.
छैन नि सुख
जस्तै आऊन् नि नेता
जान्न यो दुःख ।
७.
जिन्दगी गाह्रो
देख्दै छ दर्दनाक
पीडा छ साह्रो ।
८.
कहाँ गई पोख्ने
छाप्रोको त्यो पीडा
के ले खै जोख्ने ।
९.
यस्तै छ हाल
कसैलाई महल
दुःखीको पाल ।
१०.
चैन नि छैन
पिडीतको देखेर
मन बेचैन ।
वि.सं.२०८१ माघ १२ शनिवार ०५:२६ मा प्रकाशित
