Sansar News
सुरेशकुमार पाण्डे, दाङ ,घोराही
१.
धनको कमाल हेरौँ
अपराधीले पाउँछ छुट
बेथितिको विरुद्ध केरौँ ।
२.
स्वतन्त्र हुन्छन् दागी
पैसाको चलखेल हुँदा
जेलमा सड्छन् अभागी ।
३.
सन्देश कस्तो जाला
चोरको हातमा चाबी
घुसखोर भए रखवाला ?
४.
शब्द उनेर माला
झिल्काको फुल्दछ फूल
सुवास छर्दै जाला ।
५.
देश भो युवाविहीन
व्यवस्था हेर्दा यहाँको
लाग्दछ सधैँ घिन ।
६.
पृथ्वी जयन्ती राम्रो
एकताको सन्देश जाला
विश्वको सामु हाम्रो ।
७.
पृथ्वी एकीकरणका दाता
उनका बाबु नरभुपाल
कौशल्यावती थिइन् माता ।
८.
साझा झन्डा उठाऔँ
अखण्ड देशका लागि
राष्ट्रिय गीत गाऔँ ।
९.
आमूल परिवर्तन गरौँ
झुक्दै नझुक्ने वीर
देशको लागि मरौँ ।
१०.
जहाँ जाउँ हामी
एउटै आमाका सन्तान
मिलेर बसेको दामी ।
वि.सं.२०८१ फागुन १० शनिवार ०५:१६ मा प्रकाशित
