हामी सबैकाे संसारन्यूज

कपिल किशोर घिमिरे, दाङ

सहेर पीडा छ बस्नु पर्दै सदैव रम्ने रहर छ बेग्लै
म हिँड्न थाले नजाने बाटो म हिँड्नु पर्ने डगर छ बेग्लै

म भन्छु आऊ नजर मिलाई रिसाई हेर्छिन् घृणा गरी झन्
छ प्रेम सायद अरू कसैमा मलाई हेर्ने नजर छ बेग्लै

निकै रुवायो मलाई उसले रहेछ माया सधैँ अनौठो
भएन थाहा मलाई उसले सदैव चुम्ने अधर छ बेग्लै

न आस बाँकी न प्यास बाँकी छ सास मात्रै अलिक पियारी
छ साथ तिम्रो सदैव प्रेमिल त्यसैको मात्रै असर छ बेग्लै

सदैव प्यारो स्वदेश लाग्ने रहेछ साँच्चै विदेश बस्दा
छ बाध्यता छैन काम आफ्नो उता विदेशीको डर छ बेग्लै

बहर -जमिल मुसम्मन सालिम
अर्कान -मफाइलातुन् मफाइलातुन् मफाइलातुन् मफाइलातुन्
वजन – १२१२२ – १२१२२ – १२१२२ – १२१२२
काफिया – अर
रदिफ – छ बेग्लै
अभ्यास – स्वर्ण पाठशाला