Sansar News
अरुण खड्का,किर्तिपुर, काठमाडौं
व्यथा खप्न सक्ने बनोस् जिन्दगानी
हिँडौँ कर्मपथमा बनी स्वाभिमानी
डुबेको छु लतमा म तिम्रो अधरको
भयो के अचम्मै बनेँ आज पानी
भुलेछौ तिमीले बितेका कुरा सब
निकै बिघ्न झेल्दै चढेको जवानी
तिमी बास बस्थ्यौ हृदयको नगरमा
गयौ आँसु झारी भिजायौ सिरानी
म घायल भएको छु तिम्रो वचनले
वियोगान्त बन्दै छ हाम्रो कहानी
बहर – मुतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन – १२२ – १२२ – १२२ – १२२
काफिया – आनी
रदीफ – ०
अभ्यास – उज्यालो पाठशाला
वि.सं.२०८१ फागुन १७ शनिवार ०४:४८ मा प्रकाशित
