Sansar News
अनुराग अरुण, महालक्ष्मी, ललितपुर
तपोभूमि नेपाल कसले बनायो
मनोहर नदी ताल कसले बनायो
अहो मेरो जलको धनी देशलाई
गरी सन्धि कङ्गाल कसले बनायो
पिता हुन् सबैका उनै सृष्टिकर्ता
छुवाछुतको पर्खाल कसले बनायो
थियो शान्त सभ्रान्त नेपाल पहिले
भयो आज बेहाल कसले बनायो
यहीँ छन् इसाई मुसलमान हिन्दु
पृथक् धर्मको जाल कसले बनायो
बहर ः मुतकारिब मुसम्मन सालिम
अर्कान ः फऊलुन फऊलुन फऊलुन फऊलुन
वजन ः १२२ – १२२ – १२२ – १२२
काफिया ः आल
रदिफ ः कसले बनायो
अभ्यास ः उज्यालो पाठशाला
वि.सं.२०८१ फागुन २४ शनिवार ०७:०६ मा प्रकाशित
