Sansar News
सुधिर थापा, काठमाडौं
जहाँ लेखिन्न केही कहानी भन्न लायक
जवानी छैन तिम्रो दिवानी भन्न लायक
सबै भन्छौँ सधैँ वीरका सन्तान हामी
भए पो लाग्छ हाम्रो निसानी भन्न लायक
तिमी टाढा भएदेखि साथी छैन मेरो
कहाँ जीवन रह्यो जिन्दगानी भन्न लायक
गरे हाम्रो पुरै देश सुन्दर बन्न सक्छ
बन्यो मात्रै यहाँ राजधानी भन्न लायक
हराए लाग्छ हाम्रा सबै ठेकी र नेती
कहाँ भेटिन्छ खोज्दा मदानी भन्न लायक ।
बहर : अरिज
अर्कान : मुफाईलुन् फऊलुन् मुफाईलुन् फऊलुन्
वजन : १२२२ – १२२ – १२२२ – १२२
काफिया : आनी
रदिफ : भन्न लायक
अभ्यास ; परिश्रमी पाठशाला
वि.सं.२०८१ फागुन २४ शनिवार ०७:१० मा प्रकाशित
