हामी सबैकाे संसारन्यूज

ज्योतिका क्षेत्री, सिलगडी, भारत

१.
सच्याइदिनू ती भूलहरू
भूलवस भएका भए
भाँचिदिनू तीखा शूलहरू ।

२.
फुटिहाले भावनाका मूलहरू
मजाले रगडिदिनु शब्दहरूलाई
धोइयोस् कलुषित धुलहरू ।

३.
टक्टकाएर अज्ञानताको झुलहरू
ज्ञानको ज्योति जलाइदिनू
उज्यालोमा फक्रिन्छन् फूलहरू ।

४.
सजाइदिनू ती सपनाहरू
अधुरो छाडेर गएकाहरूको
घिट्किसो बनेका थपनाहरू ।

५.
असफलताको सेतु तर्नेहरू
मनमनै लड्डु खाइरहन्छन्
आलस्यलाई अङ्कमाल गर्नेहरू ।

६.
पन्छाई देऊ ती कुरीतहरू
समाजका कुसंस्कार मास्न
लेखौँ जागरण गीतहरू ।

७.
दलिदिएर घिनलाग्दा दागहरू
दाउमा हात्ती लडाउनेहरूले
खोस्छन् अनेकौँका भागहरू ।

८.
हक मार्न जान्नेहरू
अघि बढ्न दिँदैनन्
अर्काका खुट्टा तान्नेहरू ।

९.
विपदमा खुच्चिङ मच्चाउनेहरू
संघर्षपछिको सफलता देखेर
ईष्र्याले जल्दै होच्याउनेहरू ।

१०.
ढिम्किन नदिए दुर्भावनाहरू
नकारात्मकता मनमा आउँदैन
सप्रिएर जान्छ मनोकामनाहरू ।