हामी सबैकाे संसारन्यूज

दिलकुमार श्रेष्ठ, दोहा । प्रवास कतारमा बसेर कलाकारितामा संघर्ष गर्दै आएकी नानु घले सालैजो भाकाको एल्बम नुवाकोटे नानी लिएर आएकी छिन् । मितेरी फिल्म्स संस्कृतिक समूह दोहा कतारको सहयात्रा रहेको एल्बममा शब्द अनि संगीत प्रकाश सपुत रहेको छ ।

गाउँ घरमा चलन चल्तीमा हरेको रोधीघर घन्काउने सालैजो भाकामा रहेको नुवाकोटे नानी बोलको गीतलाई नानु घलेलाई राष्ट्रिय स्तरको अवार्डले सम्मानित गायक रित कुमार श्रेष्ठले साथ दिएका छन् । अडियोसंगै म्युजिक भिडियो समेत युटुवमा हेर्न सकिन्छ । चर्चित नृत्य निर्देशक शंकर बिसीको निर्देशन रहेको म्युजिक भिडियोको क्यामरामा म्यान राजेश घिमिरे हुन् । कृष्ण फिल्म्सको निर्माणमा बनेको मिठो लय संगीत र मन छुने भाकामा रहेको गीतमा प्रकाश सपुत, नानु घले र सन्तोषी घलेको अभिनय रहेको छ ।

नेपाली परम्परा र लोक सस्कृतिका पारखि कलाकारहरु देशमा मात्र नभएर विदेशमा समेत कमि छैन । यस्ता कलाकारहरुले कर्मभूमि कतारलाई बनाए पनि नेपाली गित संगीतलाई माया आफ्नो कलाको प्रस्तुत गरेका छन् । अझै कतारलाई नेपाली कलाकारको उर्वर भूमिको भन्दा पनि फरक नपर्ने भएको छ ।

कतारमा दिनानु दिन नयाँ कलाकारहरु जन्मने क्रम बढ्दो रहेकोले कला र संगीतसंग सम्बन्धित स्थापित संघसस्थाहरुले कलाकारिताको अवस्था बुझ्नु पर्ने भएको छ ।