हामी सबैकाे संसारन्यूज

भूपाल अधिकारी, विराटनगर

देखिँदै छन् आज केही भिन्न पारा बल्लतल्ल
देश भित्रै बढ्न थाल्यो भाइचारा बल्लतल्ल

एक झलमल दीप बल्दा ज्ञान छर्ने चेतनामा
न्याय माग्दै उठ्न थाले सर्वहारा बल्लतल्ल

जाल थापी थुन्ने गथ्र्यौ उसले सोझालाई सजिलै
थुन्न थाल्यो बन्दी गृहमा ज्यानमारा बल्लतल्ल

बस्ने गथ्र्यो तेल हाली कानमा सरकार जहिले
सब गरिबका सुन्न थाल्यो अब पुकारा बल्लतल्ल

दुःख पीडा धेर आए भेलजस्तै जिन्दगीमा
किन्तु मैले पार लाएँ हर तगारा बल्लतल्ल

बहर – रमल मुसम्मन सालिम
अर्कान – फाइलातुन् फाइलातुन् फाइलातुन् फाइलातुन्
वजन – २१२२ – २१२२ ÷ २१२२ – २१२२
काफिया – आरा
रदिफ – बल्लतल्ल
अभ्यास – स्वर्ण पाठशाला