हामी सबैकाे संसारन्यूज

मिलन अधिकारी ( गम्भिर यात्री)
पोखरा–२०, भलाम, कास्की

१.
धीप धीप भए पनि बल्दैछु सरकार
मरुभूमिको अन्धकारमा गल्दैछु सरकार
उद्धार कस्ले गर्यो र परदेशीलाई,
नमरी चितामा जल्दैछु सरकार ।

२.
बाले माया गरे आमाको गाली पाइएन
स्वार्थी दुनियाँ कसैको ताली पाइएन
वर्तमानको माग नै यही होला,
अहिलेसम्म खै किन घरवाली पाइएन ।

३.
दिन भन्दा अचेल रात प्यारो लाग्छ
बिताएका हरेक प्रभात प्यारो लाग्छ
टाढा हुँदा त भन्न सक्दिन प्रिया,
नजिक हुँदा हुल जमात प्यारो लाग्छ ।

४.
जे भए नि मेरो लागि खास हौ तिमी
जिस्किने अनि ठुस्किने बदमास हौ तिमी
माया गर या नगर तिमीले,
मेरो नजरमा सधैं एकनास हौ तिमी ।