Sansar News
मिलनकुमार ढुङ्गाना, झापा
डढेलो लगाऊँ लाग्छ घरमा कसैलाई
खुसी लाग्छ अर्काको अभरमा कसैलाई
समय चिन्छ जसले बन्छ जहिल्यै विजेता ऊ
छ धुन दाउने घोडा समरमा कसैलाई
चलेको छ घर उसको गजबले हिजोआज
फसाएर बोलीको सखरमा कसैलाई
हुनेले जमिन बाँझो बनाएर छोड्दै छन्
मकै छर्न मन लाग्यो बगरमा कसैलाई
मिल्यो घात जीवनमा म सङ्घर्ष गर्दै छु
हुँदो हो डुबूँजस्तो जहरमा कसैलाई
बहर : तबील मुसम्मन सालिम
अर्कान : फऊलुन् मफाईलुन् फऊलुन् मफाईलुन्
वजनः- १२२ – १२२२ – १२२ – १२२२
काफिया बन्धन : अर
तहलिली रदिफ : मा
रदिफ : कसैलाई
अभ्यास : परिश्रमी पाठशाला
वि.सं.२०८२ वैशाख २० शनिवार ०९:२९ मा प्रकाशित
