Sansar News
चन्द्रावती अधिकारी
कोहलपुर, बाँके
प्राण भर्ने ओखतीझैँ जिन्दगी होस्
शान्त निर्मल पोखरीझैँ जिन्दगी होस्
छैन मेरो चाह नौलो बन्नु केवल
मध्य रजनीको शशीझैँ जिन्दगी होस्
झार सम्झी फाल्न खोज्दा जन्मिएँ म
लाग्छ फुल्ने मालतीझैँ जिन्दगी होस्
सिक्नुपर्छ कर्मयोगी बन्न हामी
दूर पुग्ने नद नदीझैँ जिन्दगी होस्
केही गर्न जन्मिएका हौँ धरामा
रामप्यारी जानकीझैँ जिन्दगी होस्
बहर –रमल मुसद्दस सालिम
अर्कान–फाइलातुन फाइलातुन फाइलातुन
वजन २१२२ – २१२२- २१२२
काफिया – एकाक्षरी स्वर -ई
तहलिली रदिफ -झैँ
रदिफ -जिन्दगी होस्
अभ्यास -स्वर्ण पाठशाला
वि.सं.२०८२ जेठ १० शनिवार ०७:४७ मा प्रकाशित
