Sansar News
पद्मा रिजाल, नेपालगंज
तिमीमै समर्पित छु दासी नभन्नू
छ चोखो मेरो प्रेम बासी नभन्नू
म पीडा सहेरै छु हाँसी बसेकी
तिमीले मलाई प्रहासी नभन्नू
छु टाढा भएको मेरै बाध्यताले
छ नेपाल दिलमा प्रवासी नभन्नू
छ जे आफूसङ्ग खुसी छु त्यसैमा
मलाई कसैले निरासी नभन्नू
मेरो लक्ष्य सागर तरी फर्किने छ
नदीमै बसेरो छ प्यासी नभन्नू
बहर ( मुतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन – १२२ – १२२ – १२२ – १२२
काफिया – आसी
रदीफ ( नभन्नू
अभ्यास स् परिश्रमी पाठशाला
वि.सं.२०८२ जेठ १० शनिवार ०८:०२ मा प्रकाशित
