Sansar News
डा. ठाकुर मोहन श्रेष्ठ, काठमाडौँ
नजरले पिएको छु प्यासी नभन्नू
कहरमा परेँ म उदासी नभन्नू
नदी छन् सुकेका कतै छैन पानी
म किन्दै छु पानी विलासी नभन्नू
यहीँ जन्म मेरो अटल हुन्छ नाता
म छोरो हुँ देशी प्रवासी नभन्नू
मिचेको छ सीमा लुटेको छ बाली
लगेको छ पानी निकासी नभन्नू
हुँ प्रेमिल पुजारी नठान्नू भिकारी
हुँ साधक उपासी निरासी नभन्नू ।
बहर– मुतकारिब मुसम्मन सालिम
अर्कान–फऊलुन्,फऊलुन्,फऊलुन्,फऊलुन्
वजन–१२२–१२२–१२२–१२२
काफिया– आसी
रदिफ – नभन्नू
अभ्यास – परिश्रमी पाठशाला
वि.सं.२०८२ जेठ १० शनिवार ०८:०७ मा प्रकाशित
