हामी सबैकाे संसारन्यूज

काठमाडौँ । साताको आव तेस्रो दिन नेप्से परिसूचक बढेर बन्द भएको छ । अघिल्लो कारोबार दिन अर्थात सोमबार बढेर बन्द भएको नेप्सेले यस दिन पनि सोही क्रमलाई निरन्तरता दिएको हो ।

आज नेप्से परिसुचक नेप्से परिसूचक २५.०७ अंक बढेर २६७८.१७ विन्दुमा पुगेको छ । त्यस्तै, यस दिन सेन्सेटिभ इण्डेक्स ५.०५ अंक बढेको छ भने फ्लोट इण्डेक्स १.६८ अंक र सेन्सेटिभ फ्लोट इण्डेक्स १.५२ अंक बढेको छ ।

नेप्सेसँगै यस दिन कारोबार रकम पनि बढेको छ । सोमबार ८ अर्ब ६८ करोडको शेयर खरिदबिक्री भएको बजारमा यस दिन ३११ स्टकको ८१ हजार ७३८ पटकको कारोबारमा १० अर्ब १६ करोड ९ लाख ८१ हजार रुपैयाँबराबरको २ करोड ३६ लाख ९७ हजार कित्ता शेयर खरिदबिक्री भएको छ ।

यस दिन दुई स्टकको शेयर सकारात्मक सर्किट लेभलमा कारोबार भएको छ। यस दिन पियोर इनर्जी र श्री इन्भेष्टमेन्ट फाइनान्स कम्पनीको शेयर सकारात्मक सर्किट लेभलमा कारोबार भएको हो ।आज रावा इनर्जी डेभलपमेन्टको शेयरमूल्य सर्वाधिक ६.१४ प्रतिशत घटेको छ ।

कारोबार रकमका आधारमा यस दिन हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनीको संस्थापक शेयर पहिलो नम्बरमा रहेको छ र सेयर कारोबारको आधारमा काबेली पावर रहेको छ ।