हामी सबैकाे संसारन्यूज

पाल्पा । पाल्पाको पूर्वखोला गाउँपालिका–५ विरकोटस्थित सडकमा सवारी दुर्घटना हुँदा दुई जनाको मृत्यु भएको छ । आर्य भन्ज्याङदेखि रामपुरतर्फ जाँदै गरेको लु. १ च ६७५६ नम्बरको बलेरो पिकअप सडकदेखि करिब ३ सय मिटर तल खसेको थियो ।

सोमबार दिउँसो भएको सो दुर्घटनामा पिकअपमा सवार बग्नासकाली गाउँपालिका–१ गाप्टुङ घर भई रूपन्देही बुटवल उपमहानगरपालिका–११ मझुवा बस्ने ४६ वर्षीय बिनोद ढुङ्गाना र सोही ठाउँ बस्ने ४८ वर्षीय रेसम सुनारको मृत्यु भएको हो ।

दुर्घटनामा गम्भीर घाइते भएका बिनोदको लुम्बिनी मेडिकल कलेज प्रभास पाल्पामा र रेसमको युनाइटेड मिसन अस्पताल पाल्पामा उपचारको क्रममा मृत्यु भएको हो । साथै दुर्घटनामा घाइते भएका पिकअप चालकको लुम्बिनी मेडिकल कलेज प्रभास पाल्पामा उपचार भइहरेको छ ।