Sansar News
प्रभा पोखरेल, अमेरिका
छ तिम्रो कलाको निसानी अधरमा
चुमौँ लाग्छ लुक्दै बदामी अधरमा
मलाई कुरेछौ तिमीले निकै नै
तिमी बस्न सक्छौ गुलाबी अधरमा
गरेको बिलौना कुनै रात मैले
कहाँ भुल्न सक्छौ बसन्ती अधरमा
रहरको बिहानी खुलेको छ कस्तो
चुमेको छु मीठो पियारी अधरमा
जुधाएर आँखा छु दिलमा बसेको
रमेको छु उस्तै पराई अधरमा
बहर : मुतकारिब मुसम्मन सालिम
अर्कान – फऊलुन् फऊलुन् फऊलुन् फऊलुन्
वजन : १२२–१२२–१२२–१२२
काफिया : बन्धन– ई
रदिफ : अधरमा
अभ्यास : परिश्रमी पाठशाला
वि.सं.२०८२ असार ७ शनिवार ०७:४९ मा प्रकाशित
