Sansar News
कपिल किशोर घिमिरे, दाङ
कतै तन लुटेका पुजारीहरू छन्
कतै देह बेच्ने कुमारीहरू छन्
युवा जान थाले सबै देश बाहिर
यता मात्र एक्ला बुहारीहरू छन्
न जोत्ने हली छन् न खन्ने खेताला
बिना अन्न खाली भकारीहरू छन्
छ पढ्ने बहाना सहर बास उनको
पियारा परै छन् पियारीहरू छन्
रुँदै रात काट्छिन् दुखी छन् उनी खुब
निकै दुष्ट उनका चिनारीहरू छन्
बहर : मुतकारिब मुसम्मन सालिम
अर्कान : फऊलुन् फऊलुन् फऊलुन् फऊलुन्
वजन : १२२ – १२२ – १२२ – १२२
काफिया : आरी
तहलिली रदिफ : हरू
रदिफ : छन्
वि.सं.२०८२ असार २८ शनिवार ०८:०५ मा प्रकाशित
