Sansar News
केन्टरमेश क्षेत्रीय, रोल्पा
१.
अहमता कति बढेछ
उनलाई मात्र समाउँदा
स्वतन्त्रताको प्रश्न उठेछ ।
२.
श्रमजिविलाई बेतन हराएछ
जिन्दावाद, मुर्दावाद सभामा
जबर्जस्त बोलावट आएछ ।
३.
कति कमजोर व्यवस्था
समाउँदा कुनै साहुलाई
हनन् भएछ स्वतन्त्रता !
४.
आयामहरू नौला भर्नेछौँ
आचरण प्रवृत्ति सुधारेर
नववर्षको स्वागत गर्नेछौँ ।
५.
तीन लाइन हुन्छन्
बिचको हरफ स्वतन्त्र
नौ शब्द बुन्छन् ।
६.
काँडाहरू बाटोमा राखिदिन्छौ
पीडाहरू तिमीले नदेखेर
सुखहरू भागबाटै हटाइदिन्छौ ।
७.
डिलमै आँसु लुकाउँछु
पीडा मैले सहदै
आफूले आफैँलाई भुलाउँछु ।
८.
बजारमा सम्झना हराउँदैछन्
स्मरण तिम्रो नभएपछि
तिम्रा पीडाहरू बढाउँदैछन् ।
९.
सपना ठूला देख्छौ
विचार नगरी हिँड्दा
भाग्यमा दुःख लेख्छौ ।
१०.
उद्देश्य चन्द्रमा छुने
हिँड्नू सधैँ सत्मार्गमा
उच्च चरित्रवान् हुने ।
वि.सं.२०८२ असार २८ शनिवार ०८:२० मा प्रकाशित
