हामी सबैकाे संसारन्यूज

काठमाडौँ । आजा साताको दोस्रो दिन सेयर बजार बढेको छ । सोमबार नेप्से परिसूचक ९.१६ अंकले बढेर २७७०.३९ अंकमा बन्द भएको हो ।

सोमबार एक करोड ५२ लाख सेयर किनबेच हुदाँ ६ अर्ब १७ करोड रुपैयाँ बराबरको कारोबार भएको छ । यो कारोबार रकम आइतबारको तुलनामा थोरै हो । आइतबार नेप्सेमा ७ अर्ब ६१ करोडको कारोबार भएको थियो । नेप्सेमा कारोबार भएकामध्ये १ सय ७५ कम्पनीको सेयर मूल्य बढेको छ । त्यसैगरी ७४ कम्पनीको सेयर मूल्य घटेको छ ।

नेप्सेमा कारोबार भएका समूहगत परिसूचकमध्ये बैंकिङ २.५३, विकास बैंक १८.३३, फाइनान्स २.२९, होटल र पर्यटन १७.१९, जलविद्युत ३४.७७, लगानी ०.४८, जीवन बीमा ४२.६६, उत्पादनमूलक ३७.७५, लघुवित्त ५.२०, निर्जीवन बीमा ४७.४५ र व्यापार समूह ५३.३८ अंकले बढेका छन् । तर, सोमबार सामूहिक लगानी कोष ०.१० र अन्य समूहगत सूचक १५.४३ अंकले घटेका छन् ।

आज युनियन हाईड्रो लिमिटेडको मूल्य सबैभन्दा बढी ६.१० प्रतिशतले बढको छ भने सम्पदा लघुवित्त सबैभन्द बढी ४.८१ प्रतिशतल घटेको छ ।

कारोबार रकमका आधारमा यस दिन नेपाल पुनर्बीमा कम्पनी शीर्ष स्थानमा रहेको छ।