Sansar News
तेजप्रसाद खनाल, लमही, दाङ
अठोट लिनुपर्छ जीवनमा आशा मारेर हुन्न
सिँचाइ कमी भएको बोट सुख्खामा सारेर हुन्न
पहिला सिँचाइ गर्नुपर्छ है विरुवा बचाउन
संरक्षण गर्छु भनेर मात्र बार बारेर हुन्न
व्यवहार राम्रो हुनेगर्छ असल मान्छेको सधैँ
चेपारे मुखले मात्र ठिक्क अगाडि पारेर हुन्न
लडाउन भएभरको बल लगाउनेले यहाँ
अब कृतिम गोहीका आँसु सामुन्ने झारेर हुन्न
तँ निरन्तर अघि बढ्नुपर्छ बाधा पन्छाइ सधैँ
तेजप्रसाद तैँले जीवनमा हेर हारेर हुन्न ।
आदि अनुप्रास : आरेर
शेष अनुप्रास : हुन्न
अक्षर संख्या : १८
वि.सं.२०८२ असोज ४ शनिवार ०९:४१ मा प्रकाशित
