Sansar News
घनश्याम पौडेल,पोखरा
प्यारा जेन्नी तिमीलाई मनैदेखि सम्मान छ।
बेलासँग जुध्न सिक यही हाम्रो आव्हान छ।।
घाँस र दाउरा टिप्दै बित्यो हाम्रो जिन्दगानी
तिमीभित्र आधुनिक ज्ञान अनि विज्ञान छ ।
हिजो पुर्खाहरू लडे कुशासन फाल्न भनी
आज तिम्रो पाखुरीमा देशको पहिचान छ ।
क्रान्तिको बिगुल फुकी सँगसँगगै अघि बढ्यौ
नबिर्स है माटो जहाँ साथीको वलिदान छ ।
मर्ने मान्छे मरी जान्छन् बनाउने हो बाँच्नेले
देश जेन्जीको काँधमा पुग्यो भन्ने उखान छ ।।
आदि अनुप्रास : आन
शेष अनुप्रास : छ
अक्षर संख्या : १६
वि.सं.२०८२ असोज ११ शनिवार ०९:१९ मा प्रकाशित
