हामी सबैकाे संसारन्यूज

कृष्णप्रसाद पौडेल ’जस्ताघरेझ
विदुर –४, बट्टार

छिन् मुमा यदि भने खुस मिल्छ ।
वैरीको दमनको दल हट्छ ।।
मातृ हुन् सुत सुता मुटु ठान्ने ।
हुन् उनी सकलमा जय भर्ने ।।–१

प्रेमले जब मुमा शुभ छर्छिन् ।
गेहमा रहरिलो भर दिन्छिन् ।।
भोक कष्ट पिरमा पनि खट्ने।
हुन् उनी सकलमा जय भर्ने ।।–२

वृद्ध बालजनमा तन दिन्छिन् ।
साधुसन्तजनका मन जित्छिन् ।।
कामकाज घरका सब हेर्ने ।
हुन् मुमा सकलमा जय भर्ने ।।–३

खेत टार वनमा पनि पुग्छिन् ।
ती कुँडारभरिका फल टिप्छिन्।।
कामका बखतमा मरिमेट्ने ।
हुन् मुमा सकलमा जय भर्ने ।।–४

साधना र जपना खुब गर्छिन् ।
नातिनी सुत सुता गण ठान्छिन् ।।
मातृ हुन् मनुजका भय तोड्ने ।
हुन् उनी सकलमा जय भर्ने ।।–५

छन्द : स्वागता
गण :र – न – भ – गु – गु
गण सङ्केत : SIS  –  III  –  SII  –  S  –  S