हामी सबैकाे संसारन्यूज

गुणनिधि घिमिरे
पाँचथर, खान्द्रोङ्ग, हालः अमेरिका

१.
नाराबाजी साँझबिहान टर्दासम्म
अल्छीले सिन्को नभाँच्ने
दोषजति अर्कालाई अचम्म ।

२.
घर पुग्दा थालभरि
आमाबाको गतिगरास अवस्था
कहिलेसम्म चल्छ यसैगरी ?

३.
हावाका तालमा बोल्छन्
भाषण हाईहाई हुईहुई
व्यर्थमा अर्कालाई पोल्छन् ।

४.
घामपानी हावा रापताप
आजको चरित्रमा देखिएको
सहनशील बानीको अभाव ।

५.
परिश्रम गरेर कमाउनू
अर्कालाई पिर नपारी
असल मार्ग समाउनू ।

६.
परिश्रमीहरूको सारा संसार
अल्छीहरूको कतै पनि
फेदटुप्पो हुन्न आधार ।

७.
भाषणले चलेको देश
कानचिराहरूको जालझेल हेर्दाहेर्दै
फुले विज्ञहरूका केश ।

८.
अब मेहनतले कमाऊ
यस्तो पाराले हुँदैन
असल बाटो समाऊ ।

९.
बुढाहरूका मार्गदर्शनहरू हेरेर
युवायुवतीले देश चलाओ
नचाहिने कुराहरू फेरेर ।

१०.
परिश्रम गरे फल्छ
गफमात्र गर्यौ भने
आमाको छाती जल्छ ।