हामी सबैकाे संसारन्यूज

काठमाडौं।

मैले कुराको बेलिबिस्तार लाउनै छोडिदिए
मेरो मौनतालाई बुझिदिने साथी पाएपछि
हिजो आज भोली सधै एउटै लाग्न थाल्यो
मैले तिम्रो हातसँगै साथ पाएपछि

एउटै आमाको सन्तान त होइनौ हामी
तर पनि दिदीबैनी सरहनै छौ हामी
एकअर्काको पिर दुःखको चौतारी हौ हामी
मित्रताको एक असल उदाहरण हौ हामी

कलियुगमा स्वार्थी मानिसको भिड लाग्छ
त्यहि भिडमा मैले तिम्रो निस्वार्थ साथ पाए
दुःख सुखमा साथ दिने एक इमान्दार साथी पाए
साच्चै भाग्यमानी छु मैले तिमी जस्तो साथी पाए

दुरीले सात समुन्द्र टाढा छौँ हामी
प्रगतिको लयमा छुट्टिएका हौ हामी
आज टाढा भएर के भयो त साथी
एकदिन उही बगैंचामा बुडयौली कट्नी छौँ हामी

कोपिला बर्देवा