Sansar News
शर्मिला तिमल्सिना
गजुरी, धादिङ हाल -काठमाडौँ
प्यारी परेकी छिन् सधैँ खटनमा
नपरुन् पराईको कतै जलनमा
हौ ज्यान यो मनको तिमी पियारी
लौ लास नबनाऊ, कुनै सघनमा
छौ यादमा माया अझै यो दिलमा
अडिएर हाँसेकी सजल नयनमा
एक्लै छ चुहिँदा जून माथि आज
खोज्दै छु शीतल साथ त्यो गगनमा
कुर्ने छु सन्ध्यामा दियो जलाई
मायालु आऊ है घुमी वतनमा
बहर: सरीअ मुसद्दस मक्सूफ
अर्कान : मुस्तफ्इलुन्, मुस्तफ्इलुन्, फऊलुन्
वजन : २२१२ – २२१२ – १२२
काफिया : अन
तहलिली रदिफ : मा
अभ्यास : परिश्रमी पाठशाला
वि.सं.२०८२ मंसिर २७ शनिवार ०७:५९ मा प्रकाशित
