हामी सबैकाे संसारन्यूज

बीके मुखिया,वाङदे
दार्जिलिङ,भारत।

तिम्रो पुलुक्क कर्के हेराइमा छ केही
आँखा जमिन नियाल्छन् टोलाइमा छ केही

सुन्दर मुहार तिम्रो कोमल गुराँसजस्तै
गल्ली कुरेर बस्छौ पर्खाइमा छ केही

बन्दैन भक्त कोही चन्दन लगाउँदैमा
जसको छ राम मुखमा सोचाइमा छ केही

पीडा अनेक झेल्दै मान्छे मरेर जान्छन्
छल्किन्छ आँसु धेरै भोगाइमा छ केही

बैँसालु जिन्दगीमा मायालु हुन्छ धेरै
गल्ती हजार गर्छन् रोजाइमा छ केही

बहर : मुजारे मुसम्मन अखरब
अर्कान : मफ्ऊल , फाइलातुन् मफ्ऊलु फाइलातुन्
वजन : २२१ – २१२२ – २२१ – २१२२
काफिया बन्धन : आइ
तहलिली रदिफ : मा
रदिफ : छ केही
अभ्यास : उज्यालो पाठशाला