Sansar News
५ असार, कोहलपुर (बाँके) । बैजनाथ गाउँपालिकामा नेकपा (एमाले) र नेकपा (माओवादी केन्द्र)का कार्यकर्ताबीच आइतबार झडप हुँदा सातजना घाइते भएका छन् ।
बैजनाथ गाउँपालिका– ८ बनकटवामा एमाले र माओवादी केन्द्रका कार्यकर्ताबीच झडप भएको हो । झडपमा दुई प्रहरी समेत घाइते भएको प्रहरी उपरीक्षक टेकप्रसाद राईले जानकारी दिनुभयो । झडप नियन्त्रणका क्रममा प्रहरीले १२ राउण्ड हवाई फायर तथा नौ राउण्ड अश्रुग्यास प्रहार गरेको थियो ।
झडपपछि सो ठाउँमा ठूलो सङ्ख्यामा जनपद प्रहरी र सशस्त्र प्रहरी खटाइएको प्रहरीले जनाएको छ ।
वि.सं.२०७४ असार ५ सोमवार ०२:३५ मा प्रकाशित
