हामी सबैकाे संसारन्यूज

नेपाली बिध्यार्थी समाज जापान (NESAJ) को आयोजनामा जुलाई १ का दिन मा ओसाकामा जापानिज भाषा बक्तित्वकला प्रतियोगिता कार्यक्रम हुने भएको छ ।
नेपाली बिध्यार्थीहरुमा जापानीज भाषा सम्बन्धि ज्ञानमा अझै निखार ल्याउन सहयोग गर्ने हेतुले यो कार्यक्रमको आयोजना गरिएको हो । साथमा बिबिध ज्ञानबर्दक र जानकारीमुलक कार्यक्रमहरु पनि गरिने सल्लाहकार नरेन्द्र बस्नेतले संसारन्युज डटकमलाई बताएका छन् ।
कुनिओ इमासिनीको प्रमुख आतिथ्यता, जिज्ञान कुमार थापा र पारशमणि पोखरेल विशेष आतिथ्यता तथा पूर्ण गुर्वुजा संयोजक रहेको उक्त वक्तित्वकला कार्यक्रमको उपसंयोजकमा तिलक केसी र उद्घोषण दुर्गा मरासीनीको रहेको छ ।
त्यसैगरी निर्णायकहरु डा. मनोहर श्रेष्ठ, डा. हामाजाकी सेन्सेई, डा. नाकाहिरा सेन्सेइ रहेका छन् भने सल्लाहकारहरुमा नरेन्द्र बस्नेत, प्रितम गुरुङ र अनिता घले रहेका छन् । साथै महासचिव तेज गुरुङको पनि उपस्थिति रहने बताइएको छ ।
जापानबासी बिशेष गरेर कान्साई क्षेत्र कोबे, ओसाका, क्योटो, नारा, ओकायामा, वाकायामा लगायतको बिद्यार्थीहरुको बाक्लो उपस्थितिको आसा गरिएको आयोजकले जनाएको छ ।

मिति जुलाई १ तारिख (शनिबार)
समयः दिनको १: बजे
स्थानः ईकुनो कु कुमिन सेन्टर , मोमोदानी ओसाका