Logo
५ माघ २०७८, बुधबार
     Wed Jan 19 2022
E-paper
  English Edition
   Unicode
Logo

पर्वतका किसानलाई लप्सी प्रशोधन गर्ने आधुनिक उपकरण



kisan२० असार, फलेवास (पर्वत) । आधुनिक उपकरणको अभावमा जिल्लामा उत्पादित लप्सी खेर गइरहेका बेला पहिलोपटक पर्वतमा आधुनिक उपकरण भित्रिएको छ ।

नेपालमा मात्र पाइने र सबैभन्दा बढी पर्वत जिल्लामा उत्पादन हुने लप्सीको उचित रूपमा प्रशोधन हुन नसक्दा जिल्लाका अधिकांश स्थानमा उत्पादित लप्सी कुहिएर जाने गरेका छन् । नेपाल उद्योग वाणिज्य महासङ्घको एक गाउँ एक उत्पादनमा समेत समेटिएको लप्सी पर्वतका ३५ वटा साबिकका गाविसमा सफल रूपमा उत्पादन हुँदै आएको छ । वार्षिक रूपमा १४ हजार मेट्रिक टन लप्सी उत्पादन भए पनि प्रशोधनको अभावमा कृषकले उचित मूल्य पाउन सकेका छैनन् भने अधिकांश लप्सी बोटबाटै झरेर खेर जाने गरेको छ ।

प्रशोधन मेसिन नहुँदा उत्पादित लप्सीको ६० प्रतिशत खेर जाने गरेको अवस्थालाई मध्यनजर गर्दै व्यापार तथा निकासी प्रवद्र्धन केन्द्रले तीनवटा आधुनिक उपकरण उपलब्ध गारएको हो ।

पश्चिमाञ्चल क्षेत्रीय प्रशासक बिगेन्द्रराज शर्माले सदरमुकाम कुश्माबजारमा आइतबार आयोजित एक कार्यक्रममा झाँक्रीसल्ला लप्सी तथा खाद्यान्न उद्योगका खडानन्द शर्मा, सामुदायिक खाद्य प्रशोधन केन्द्रका सञ्चालक थानेश्वर भुसाल र लप्सी विकास समूह खानीगाउँका सञ्चालक जीतबहादुर नेपालीलाई सो उपकरण हस्तान्तरण गर्नुभएको थियो ।

अहिले उक्त उपकरणको बजार मूल्य रु एक लाख ६० हजार छ । उक्त उपकरणमा लप्सीका दाना राखेपछि बोक्रा, बिया र गुदी छुट्टाछुट्टै निस्किने हुँदा उत्पादन गर्न चाहेको वस्तु सहज रूपमा उत्पादन गर्न सकिने पर्वत उद्योग वाणिज्य सङ्घका अध्यक्ष हरिओम शर्मा लामिछानेले जानकारी दिनुभयो ।

पर्वतमा अहिले पनि प्रशोधन उपकरणको अभावमा कृषकले लप्सीका दाना बिक्री गर्ने गरेका छन् भने केहीले परम्परागत रूपमा प्रशोधन गरेर जाम, अचार, क्यान्डी, माडा, धुलोलगायत सात प्रकारका खाद्यवस्तु उत्पादन गर्दै आएका छन् । रासस


यो खबर पढेर तपाईलाई कस्तो महसुस भयो ?

५ माघ, काठमाडौँ । होबार्ट हरिकेन्स विरुद्ध मेलबर्न स्टार्सका कप्तान ग्लेन म्याक्सवेलले १५४ रनको

काठमाडौं । सरकारी सेवाका २२ वर्षमा एक उपसचिवले निकै तरक्की गरेको समाचार सार्वजनिक भएको

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक