नेसाज जापानिज भाषा बक्तित्वकला प्रतियोगीता २०१७” भब्यताका साथ सम्पन्न भएको छ।
जुलाई १ का दिन सम्पन्न उक्त वक्तित्वकला कार्यक्रम आयोजक समितिका संयोजक पुर्ण गर्वुजाको सभापतित्व तथा तेज गुरुङको स्वागत मन्तव्यबाट सुरु गरिएको थियो ।
जापानिज भाषा बक्तित्वकलामा प्रतिस्पर्धाका लागी ५ जना प्रतियोगीले आ-आफ्नो प्रस्तुती दिनुभएको थियो।
यस प्रतियोगितामा बिजेता उपाधी संकर मगरले हातपार्नुभयो जसले पुरस्कार १ बर्षको लागि मासिक १०००० यन ईचिगो छात्रवृत्ति र प्रमाणपत्र प्राप्त गर्नुभयो । अन्य सहभागीहरुले जनही १,००० येन प्रोत्साहन स्वरुप नगद तथा प्रमाणपत्र पनि प्राप्त गर्नुभएको थियो।
कार्यक्रममा प्रमुख अतिथिको रुपमा नेपाल राजदूतवास ओसाका कन्सुलर कुनिओ इमानिसी कार्यक्रममा सहभागी भई बिधार्थीलाई हौसाला दिई सहयोग गर्दिनुभएको थियो ।
प्रतियोगिताको निर्णायक मण्डलमा ओसाका साङ्ग्यो बिश्वबिध्यालका प्राध्यापक हामाजाकी, डा मनोहर लाल श्रेष्ठ र नाकाहिरा सेन्सेई हुनुहुन्थ्यो।जापानिज भाषा बक्तित्वकला साथ साथै समाजसेवी तथा पूर्व नेसाजका अध्यक्ष जिज्ञान कुमार थापा, पूर्व एनआरएनए जापानका अध्यक्ष पारश मणि पोखरेल , एनआरएनए कान्साईकाका पूर्व संयोजक नरेन्द्र बस्नेत(दिनेश) , डा. प्रितम गुरुङ, डा. सुमन श्रेष्ठका तर्फबाट बिधार्थीहरुलाई मनोबल बढाउन प्रेरक भाषण दिनुभएको थियौ ।
कार्यक्रममा सांस्कृतिक प्रस्तुती र उदघोषकमा दुर्गा मरिसिनीले साथ दिनु भएको थियो ।
कार्यक्रमको समापन गर्नुहुँदै नेसाज केन्द्रिय सदस्य तथा कार्यक्रमका संयोजक पुर्ण गर्बुजा सम्पुर्ण सहभागी , सहयोगीहरु र यस कार्यक्रमका मुख्य प्रयाजोक क्योदाई रेमिटेन्स प्रति धन्यबाद ज्ञापन गर्नुभयो।
