Sansar News
तिम्रो प्रजातन्त्रमा अधिकार पनि माग्न पाइँदैन ?
तिम्रो स्वतन्त्रतामा आफ्नो आयु बाँच्न पाइँदैन ?
धन, शक्ति र धम्कीको भरमा किन यो ताण्ड्व
तिम्रो उन्माद चढ्दैमा जीवन नि साँच्न पाइँदैन ?
हो,अन्धभक्त भई तिमीलाई पुज्ने पनि होलान्
तिम्रो साम्राज्य रहुन्जेल अरूले हाँस्न पाइँदैन ?
संसारलाई अधीनस्थ बनाउने छि कुत्सित मन
तिम्रोअन्यायमा जय नगरीन्याय माग्न पाइँदैन?
लासमाथि परेड खेल्ने, बालकलाई छुरा धस्ने
तिम्रो छातीमा अब हामीले नि ताक्न पाइँदैन ?
खबर्दार तिनका पुच्छर नेपाली नेता दलहरू
तिम्रो जुठो सधैंलाई रछानमा फाल्न पाइँदैन ?
दुनियाँलाई पाठ सिकाउने वाह ! कति महान्
तिम्रो थाप्लामा पनि ड्याङ्ङ हान्न पाइँदैन ?
वि.सं.२०७४ फागुन १५ मंगलवार १२:४४ मा प्रकाशित
