हामी सबैकाे संसारन्यूज

जर्मनीमा रहेका नेपाली बालबालिका तथा नेपालीसँग विहे गरेका जर्मन महिलाका लागि नेपाली भाषा कक्षा सञ्चालन गरिएको छ ।

जर्मनीको डर्टमन्डमा शहरमा २०१७ मार्चदेखि संचालन भएको उक्त निःशुल्क नेपाली भाषा कक्षामा धेरैले सेवा लिएर लाभान्वित भएको कक्षा सञ्चालक एनआरएनए अभियन्ता रण बहादुर साउद बताउँछन् । यसको शिक्षिका सुश्री शुष्मा नेपाल रहेकी छन् ।

क्लास रुम निःशुल्क पाइएकोले निःशुल्क रुपमा सेवा दिईएको साउदले बताए । साउदका अनुसार हप्ताको आइतबार सञ्चालन हुने उक्त भाषा कक्षामा एकपटकमा १५ जनाले भाषा सिक्ने गरेका छन् ।

साउदका अनुसार यसरी नै जर्मनीको विभिन्न क्षेत्रमा नेपाली भाषा कक्षा सञ्चालन गरिने योजना रहेको छ । आफ्नो एकल प्रयासमा नै क्लास सञ्चालन गरिएको उनले बताए ।

उक्त भाषा कक्षाको उद्धेश्य नेपाली भाषालाई विदेशमा चिनाउनुका साथै त्यहाँ जन्मिएका तथा नेपालमै जन्मिएर बच्चामै जर्मनी आएका नेपाली बालबालिकालाई नेपाली भाषा, (आफ्नो मातृभाषा) संस्कृति र संस्कार सिकाउने रहेको पनि शिक्षिका शुष्मा नेपालले बताईन् ।

भाषा कक्षामा विशेषत नेपाली नागरिकसँग विहे गरेका तथा भाषा सिक्न चाहने जर्मन नागरिकलाई पनि सिकाइन्छ । उनीहरुले नेपाल घुम्न जाँदा नेपाली भाषा र नेपालका बारेमा जान्न सकिने भनेर भाषा सिकीरहेको पनि साउद बताउछन् ।

भाषा कक्षामा पढाउने मात्र नभएर खेलाउने, पार्क भ्रमण लैजाने लगायतका विभिन्न गतिबिधिहरु गर्ने गरिएको शिक्षिका शुष्मा नेपालले बताइन् ।