हामी सबैकाे संसारन्यूज

१४ असोज, काठमाडौँ । औषधि व्यवस्था विभागको कार्यालयमा लागुऔषध फेला परेपछि पानस फर्मास्युटिकल्स संस्थाका सम्पर्क अधिकृत सुनिल गुप्तालाई प्रहरीले लागुऔषध अपराधअन्तर्गत मुद्दा चलाएको छ ।

बुधबार आयोजित पत्रकार सम्मेलनमा विभागका महानिर्देशक नारायण ढकालले विभागमा रहेका ७० वटा दराज औषधि कम्पनीहरूले प्रयोग गर्दै आएको तथा त्यसमा १७ हजार दर्ता भएका फाइल र २१ हजार औषधि फर्म दर्ता भएको जानकारी दिँदै औषधि कम्पनीलाई औषधिको नमुना राख्न छुट्टाछुट्टै दराज उपलब्ध गराइएको बताउनुभयो ।

बुधबार नेपाल प्रहरी, लागुऔषध नियन्त्रण ब्युरोले विभागबाट पानस फर्मास्युटिकल्सको दराजको भित्री लकरमा २२ ग्राम लागुऔषध हेरोइन फेला पारेको थियो । महानिर्देशक ढकालले भने दराजको भित्री साँचो आफूहरूसँग हुने भए पनि भित्री लकरको साँचो भने नहुने बताउनुभयो । प्रारम्भिक अनुसन्धानपछि उक्त लागुऔषध पानसका बजार निर्देशक नरेश श्रेष्ठले गुप्तालाई कम्पनीले निलम्बन गरेको जानकारी दिनुभयो ।