गजल १६

१

दिनहुँ पत्रिकामा अशुभ समाचार देखेर दिक्क लाग्छ
सत्तामा पुगेका देश लुट्ने गद्दार देखेर दिक्क लाग्छ
हजारौं जनताको आहुतिको खै? क्षमा याचना सम्बोधन
तिनै निष्ठुरी हत्याराको सरकार देखेर दिक्क लाग्छ

२

क्रान्तिको नारा घोक्दै मसाल बोक्ने हात जन्माउनुछ
अन्यायको प्रतिरोध गर्दै लड्ने साथ जन्माउनुछ
सजिलै त कहाँ आउँछ ? आमुल परिवर्तन देशमा
गरिबी मुक्तिको लागि कहालीलाग्दो रात जन्माउनुछ

३

गाउँ बेशी जुर्मुराउँदै उठौं देश प्रेमी सारा
सङ्घीय राज्यको बिरुद्धमा लगाउँदै नारा
अभिभारा बोकौ देशको नयाँ रच्न इतिहास
एकतानै हो हतियार चाहिँदैन खुकुरी आरा