Logo
११ आश्विन २०७९, मंगलवार
     Tue Sep 27 2022
E-paper
  English Edition
   Unicode
Logo

अफगानिस्तान घटनामा ज्यान गुमाएकाका परिवारद्धारा क्षतिपूर्ति  माग



१८ असोज, काठमाडौँ । आतङ्ककारी हमलामा परी अफगानिस्तान काबुलमा मृत्यु भएकाका आफन्त र घाइतेले क्यानडा सरकारसँग क्षतिपूर्ति उपलब्ध गराउन पहल गरिदिन सरकारसंग माग गरेका छन् ।

मंगलबार आयोजित पत्रकार सम्मेलनमा सो घटनाका मृतकका आफन्त तथा घाइतेका परिवारले सरकारले अहिलेसम्म पीडितका बारेमा कुनै चासो नदेखाएको आरोप लगाए । झन्डै तीन महिनाअघि काबुलमा सो घटना घटेका थिए ।

घटनाका घाइते अमृत रोका क्षेत्रीले त्यहाँ क्यानडा सरकारका लागि नेपाली कामदारले काम गर्दा भएको उक्त घटनामा घाइते भएका तथा मृत्यु भएकाका परिवारलाई अहिलेसम्म राहत तथा आर्थिक सहयोग उपलब्ध हुन नसकेकाले सरकारलाई ठोस पहल गरिदिन माग गर्नुभयो ।

सोही घटनाका अर्का घाइते मोहनबहादुर थापाले घटनाका पीडितलाई उचित क्षतिपूर्ति तथा मृतकका आफन्तलाई नियमानुसार सुविधा उपलब्ध गराउनुपर्नेमा जोड दिनुभयो ।

मृतक विदुर सुवेदीकी श्रीमती गङ्गाले तीन महिनादेखि सहयोगका लागि सरकारी कार्यालय धाए पनि कर्मचारीले राम्रो व्यवहार नगरेको आरोप लगाउँदै पीडकलाई झन पीडा थप्ने काम गर्न नहुने विचार राख्नुभयो ।

क्यानडा मामिला अध्ययनसम्बन्धी संस्थाका प्रमुख दीपकमोहन भट्टराईले मृतकका आफन्तलाई र घाइतेलाई क्यानडा सरकारको तर्फबाट थप क्षतिपूर्ति दिलाउन आफू लागिपर्ने प्रतिबद्धता व्यक्त गर्दै आवश्यक भए क्यानडामै कानुनी लडाइँ लड्ने वातावरण पनि मिलाइने बताउनुभयो ।


यो खबर पढेर तपाईलाई कस्तो महसुस भयो ?

काठमाडौं । विवेकशील साझा पार्टीको साधारण सदस्य परित्याग गरेका रवीन्द्र मिश्र राप्रपामा प्रवेश गर्ने

दमौली । “अँधियामा गरेको धानखेतमा एक्कासी रोग लाग्यो, दुःख गरेर लगाएको धानबालीमा रोग लागेपछि

काठमाडौं । नेपाल राष्ट्रबैंकले आजको बजारमा विदेशी मुद्राको भाउ यसप्रकार तोकेको छ । बैंकको