Logo
१३ आश्विन २०७९, बिहीबार
     Thu Sep 29 2022
E-paper
  English Edition
   Unicode
Logo

राप्ती शान्ति उद्यानमा ‘मिनी जु’,१४ प्रजातिका पक्षी र जनावर राख्ने तयारी



२७ असोज,दाङ । यहाँको राप्ती शान्ति उद्यान पार्कभित्र सानो चिडियाखाना ‘मिनी जु’ निर्माण कार्य सुरु भएको छ ।

दाङको तुलसीपुर–३ मा रहेको राप्ती शान्ति पार्कभित्र पर्यटन मन्त्रालय र स्थानीय उपभोक्ताको लागत र सहभागितामा मिनी जु निर्माण सुरु भएको हो ।

जिल्लामा बाल मनोरञ्जनका लागि पार्क नभइरहेको अवस्थामा तुलसीपुर क्षेत्रमा निर्माण हुन लागेको मिनी जुले बालबालिकाको एकोहोरो पन तथा साताभरिको पढाइको व्यस्तताका कारण अव्यवस्थित भएको मानसिक तनावलाई समेत शान्ति दिने अपेक्षा गरिएको छ ।
रु २४ लाख लागतमा मिनी जु निर्माण सुरु गरिएको राप्ती शान्ति उद्यान पार्क व्यवस्थापन समितिका अध्यक्ष टोपबहादुर केसीले जानकारी दिनुभयो ।

पर्यटन मन्त्रालयअन्तर्गत रु २० लाख, उपभोक्ताको २० प्रतिशत गरी रु २४ लाखमा मिनी जु निर्माण हुने उहाँले बताउनुभयो । शान्ति उद्यानमा निर्माण हुने ‘मिनी जु’मा जरायो, हरिण, स्याल, बँदेल, नीलगाई, गोहोेरो, बाँदर, अस्ट्रिज, मजुर, कालिजलगायतका १४ प्रजातिका पक्षी र जनावर राख्ने तयारी गरेको अध्यक्ष केसीले बताउनुभयो ।

मिनी जुमा राखिने पक्षी तथा जनावर केही सौजन्य र केही किनेर ल्याउने तयारी भएको बताइएको छ । निजी तथा सामुदायिक क्षेत्रमा निर्माण हुन लागेको यो सम्भवतः मध्यपश्चिमकै पहिलो चिडियाखाना हो । मिनी जु सञ्चालनसँगै पार्कको विकासका साथै पर्यटकीय क्षेत्रका रुपमा विकास गर्दै लैजाने बताइएको छ ।

चिल्ड्रेन पार्कमा बालबालिकाका लागि रेल, पिङ, चिप्लेटी, झोलुङ्गे पिङलगायत बालबालिकाका खेल सामग्री राखिएको छ । त्यसैगरी पार्कमा बुद्धको स्तम्भ, बोटिङ पुल पनि निर्माण गरिने समितिले जनाएको छ । रासस


यो खबर पढेर तपाईलाई कस्तो महसुस भयो ?

काठमाडौं । इस्टर्न हाइड्रोपावर कम्पनीले सर्वसाधारणका लागि असोज २८ गते आईपिओ निष्काशन गर्ने भएको

भरतपुर । निजी कम्पनीको भन्दा सस्तो र राम्रो भएकाले फाइबर इन्टरनेट प्रति ग्राहकको आकार्षण

काठमाडौं । दुर्घटनामा परी असामयिक निधन भएका ग्राहकका परिवारलाई मेगा बैंकले बीमा बापतको रकम