Logo
१९ मंसिर २०७९, सोमबार
     Mon Dec 5 2022
E-paper
  English Edition
   Unicode
Logo

सिरियामा शुक्रबार पनि भीषण हवाई आक्रमण जारी



२८ असोज, बैरुत । सिरियाको अलेप्पो सहरमा विद्रोहीको बलियो प्रभाव रहेका जिल्लालाई लक्ष्यगरी शुक्रबार पनि सिरिया र रसियाली युद्धकविमान आक्रमण भएको मानवअधिकारवादी समूहले जनाएको छ ।

दर्जनौको सङ्ख्यामा भएको यो हवाई आक्रमण विश्वका शक्तिराष्ट्रहरु सिरियामा पुनः युद्धविरामको विषयमा नयाँ वार्ताको तयारी गरिरहेको बेलामा भएको जनाइएको छ ।

सिरियामा गत तीनदिन यता रसिया र सिरिया सरकारआवद्ध हवाई आक्रमण जारी रहेको र यसमा परी दर्जर्नौको सङ्ख्यामा सर्वसाधारण मारिएका छन् ।

शुक्रबार पनि विहानैबाट नै हवाई आक्रमण सुरु भएको बेलायतसँग आवद्ध मानवअधिकारीवादी समूह ‘द सिरियन अब्जरभेटरी फर ह्युम्यान राइट्स’का प्रमुख रामी अब्देल रहमानले जानकारी दिनुभएको छ ।

यस आक्रमणबाट तत्काल मानवीय क्षतिको एकिन सङ्ख्या भने प्राप्त नभएको रामीले बताउनुभएको छ ।

सिरियाली र रसियाली सरकारी सैनिकले पूरा अलेप्पो सहर नियन्त्रणमा लिनको लागि गत सेम्टेम्बर २२ देखि सुरु गरेको भीषण कारबाहीमा परी ७० बालबालिकासहित ३७० व्यक्तिको मृत्यु भईसकेको छ । पूर्वी अलेप्पो सन् २०१२ बाट नै सिरियाली विद्रोही समूहले कब्जा लिएका थिए ।

गत मङ्गलबार विद्रोहीको बलियो प्रभाव रहेको इलाकालाई लक्ष्यगरी गरिएको हवाई आक्रमणमा सात बालबालिकासहित ५६ व्यक्तिको मृत्यु भएको अब्जरभेटरीका प्रमुृख रामीले बताउनु भएको थियो । त्यसैगरी बुधबार भएको हवाई आक्रमणमा १५ सर्वसाधारणको मृत्यु भएको थियो ।

सिरियामा सन् २०११ मा सिरियाली राष्ट्रपति बसर अल असदको राजिनामाको माग गर्दै जनआन्दोलन सुरु भएको थियो ।

सो जनआन्दोलन केही समयपछि गएर गृहयुद्धमा परिणत भयो । सो गृहयुद्ध हालसम्म पनि जारी रहेको छ र यसमा परी दुई लाख ९० हजारभन्दा बढी व्यक्तिको मृत्यु भइसकेको छ भने, लाखौँ व्यक्ति घाइते भएका छन् ।

लाखौँ व्यक्ति आफ्नो घरवास छोडी देशभित्र र छिमेकी देशमा शरणार्थी जीवन विताउन बाध्य छन् । रासस÷एएफपी


यो खबर पढेर तपाईलाई कस्तो महसुस भयो ?

२०७९ मंसिर १६ गते बिहान नेकपा (माओवादी केन्द्र)का अध्यक्ष कामरेड पुष्पकमल दाहाल ‘प्रचण्ड’लाई भेटेर

काठमाडौं । नेकपा (एकीकृत समाजवादी)भित्र आन्तरिक विवाद बढ्न थालेको छ । निर्वाचनको नतिजासँगै एसभित्र

काठमाडौं । संविधान जारी पछि भएको पहिलो निर्वाचनपश्चात धेरै नेपालीले राजनीति स्थिरतासहित समृद्धिको यात्रामा

काठमाडौं । भनिन्छ, ‘अभावले मानिसलाई सङ्घर्ष गर्न सिकाउँछ, अनि सङ्घर्षले सफलता मिल्छ ।’ त्यही