हामी सबैकाे संसारन्यूज

कतारमा रहेका नेपाली व्यवसायीहरुलाई नेपाली ब्यवसायी संघ कतारले एउटै छातामा ल्याउने प्रयास गरिएको छ ।

कतारमा विगत १८ वर्षदेखि विभिन्न व्यापार व्यवसाय गर्दै आएका नेपाली व्यवसायीहरुमा आइपरेका समस्याहरुमा आपसिक सहयोग गर्ने, नेपाल र कतारको व्यापारिक सम्वन्धलाई सुदृढ गर्ने, नेपालमा कतारी व्यवसायीहरुलाई लगानी गर्नका लागि पहल गर्ने, नेपालको आर्थिक विकाशमा टेवा पुग्ने उद्धेश्यले गोलबन्द गर्न लागिएको हो ।

जनवरी २०१८ मा गठन भएको उक्त व्यावसायीक सस्थाले नेपाली ब्यवसायीलाई गोलबन्द गर्ने बताएको छ ।

कतारमा ४ लाख नेपाली मध्ये करिव एकहजार भन्दा बढी नेपाली व्यवसायीहरु रहेका अनुमान गर्न सकिन्छ । संघको २९ मई २०१८ मा बसेको कार्यसमितिको बैठकले जुन २२ देखि सेप्टेम्बर २१ सम्म नयाँ सदस्यता आबेदनको लागि आव्हान गरेको थियो । तर, नयाँ तथा छुटेका ब्यवसायीलाई ध्यानमा राख्दै २१ सेप्टेम्बर शुक्रबारका दिन बसेको संघको बैठकले नेपालीहरुको महान चाडपर्व मनाउन धेरै ब्यवसायी नेपाल जाने भएकोले सदस्यता लिने समय २१ सेप्टेम्बरदेखि २१ डिसेम्बर २०१८ सम्म थप गरिएको बताइएको छ ।

संघले कतारमा रहेका सबै व्यवासयायीलाई सदस्यता लिन आव्हान गर्दै सम्पर्कका लागि रमेश भट्ट फोन न. ७७९९०२३३ र चुडामणी कार्की ५५८९०३६७ मा फोन गर्न सकिनेछ ।