back

बैंकबाट झिकेको पैसा पुन : बैंकमै फर्काउन सर्वोच्चको आदेश

वि.सं.२०७५ पुस २७ शुक्रवार

66 

shares
Global IME AD
NMB Bank Limited Long Ad Banner

२७ पुस, काठमाडौँ । सर्वोच्च अदालतले अयजराज सुमार्गीको मुक्तिश्री सिमेन्ट उद्योगमा आएको वैदेशिक लगानीबाट निकालेको रकम नेपाल इन्भेष्टमेन्ट बैंकको खातामा जम्मा गर्न आदेश जारी गरेको छ ।

प्रधानन्यायाधीश चोलेन्द्रशमशेर जवरा र न्यायाधीश डा आनन्दमोहन भट्टराईको संयुक्त इजलासले मङ्गलबार जारी गरी विहिबार सार्वजनिक गरेको लिखित आदेशमा सुमार्गीलाई वैदेशिक लगानीबाट आएर निकालेको रकम पुनः सो खातामा जम्मा गर्न आदेश जारी गरेको हो ।

आदेशमा भनिएको छ, “कानूनबमोजिम रकम नेपाल भित्र्याइएकोे हो वा होइन भन्ने प्रश्न अनुत्तरित्त अवस्थामा हुँदा कानूनबमोजिम जे जस्तो कारवाही र प्रक्रिया अपनाउनुपर्ने हो अपनाइ सो रकम इन्भेष्टमेन्ट बैंकमा राख्नु, राख्न लगाउनु ।”

नेपाल राष्ट्र बैंकको लिखित जवाफमा रकम पठाउने अजयराज सुमार्गी र प्राप्त गर्ने उहाँकै स्वामित्वको मुक्तिश्री कम्पनी रहेकाले विदेशी ऋण भन्नसक्ने अवस्था नभई शङ्कास्पद देखिएको आदेशमा उल्लेख छ ।

आदेशमा भनिएको छ, “रकम पठाउने व्यक्तिको नाम अजयराज सुमार्गी पराजुली भन्ने देखिएको तथा रकम प्राप्त गर्नेको नाम मुक्तिश्री सिमेन्ट उद्योग प्रालि भन्ने देखिएको हुँदा एकै व्यक्तिले निजसँग सम्बन्धित कम्पनीले प्राप्त गर्ने गरी विदेशबाट ऋण लगानी भनिएको रकम पठाएको हुँदा उक्त कारोवार शङ्कास्पद देखिएको छ ।”

यस मुद्दामा सम्पत्ति शुद्धीकरण (मनी लउन्डरिङ) निवारण ऐनअन्तर्गतको कारवाही चलाउनुपर्ने देखिएकोसमेत आदेशमा उल्लेख छ । न्यायाधीश दीपकराज जोशीको इजलासले यही पुस १० गते सो सिमेन्ट उद्योगमा आएको वैदेशिक लगानी रकम नरोक्नु भनी अल्पकालीन अन्तरिम आदेश जारी गरेको थियो । संयुक्त इजलासको आदेशले सुमार्गीले निकालेको रकम पुनः खातामै राख्न आदेश दिएको छ ।

सर्वोच्च अदालतको यही पुस २४ गतेको सुनुवाइपछि पहिलो सुनुवाइमा दिएको अल्पकालीन अन्तरिम आदेश खारेज गरेको थियो ।

जोशीको इजलासले सो उद्योगको खातामा विदेशबाट जम्मा भएको ७५ लाख अमेरिकी डलर भुक्तानी नरोक्न राष्ट्र बैंकलाई अल्पकालीन अन्तरिम आदेश दिएको थियो । सुर्खेतमा रहेको सिमेन्ट उद्योग सञ्चालन गर्न चार करोड ५० लाख अमेरिकी डलर सुमार्गीको खातामा जम्मा भएको थियो ।

वि.सं.२०७५ पुस २७ शुक्रवार ०७:४४ मा प्रकाशित

नेकपा एस तत्काल गठबन्धनमा सहभागी नहुने–नेता खनाल

नेकपा एस तत्काल गठबन्धनमा सहभागी नहुने–नेता खनाल

काठमाडौं । नेकपा एकिकृत समाजवादी पार्टी तत्काल नयाँ गठबन्धनमा सहभागी...

सशस्त्रका डीएसपी भान्सामा झुण्डिएको अवस्थामा मृत भेटिए

सशस्त्रका डीएसपी भान्सामा झुण्डिएको अवस्थामा मृत भेटिए

काठमाडौं । मोरङमा सशस्त्र प्रहरीका प्रहरी नायब उपरीक्षक (डीएपी) आफ्नै...

नयाँ सत्ता समीकरण : सिट बाँडफाँट र मन्त्रालयको टुंगो लगाउन बन्यो कार्यदल

नयाँ सत्ता समीकरण : सिट बाँडफाँट र मन्त्रालयको टुंगो लगाउन बन्यो कार्यदल

काठमाडौं । नयाँ सत्ता समिकरणमा सहभागी दलहरुबीच सिट बाँडफाँट र...

नयाँ सत्तासमिकरण : को–को बन्दैछन् त मन्त्रीहरु ?

नयाँ सत्तासमिकरण : को–को बन्दैछन् त मन्त्रीहरु ?

काठमाडौं । नयाँ सत्ता समिकरण बनेसँगै समिकरणभित्र रहेका दलहरुबाट मन्त्री...

सभापति देउवाले बोलाए केन्द्रीय कार्यसम्पादन समितिको बैठक

सभापति देउवाले बोलाए केन्द्रीय कार्यसम्पादन समितिको बैठक

काठमाडौं । नेपाली कांग्रेका सभापति शेरबहादुर देउवाले पार्टीको केन्द्रीय कार्यसम्पादन...

राष्ट्रिय सभाको बैठक फागुन २४ गते सम्मका लागि स्थगित

राष्ट्रिय सभाको बैठक फागुन २४ गते सम्मका लागि स्थगित

काठमाडौं । सोमबार दिउँसो १ बजेर १७ मिनेटका लागि बोलाइएको...