अष्ट्रेलियामा सडक दुर्घटनामा परेर एक नेपालीको मृत्यु भएको छ । अष्ट्रेलियाको न्यू साउथ वेल्स राज्यको ओलंगनमा बस्दै आएका भरतपुर चितवनका ३८ वर्षीया सुजन दाहालको विहिबार २६ पुस (जनवरी १०) का दिन सडक दुर्घटनामा परेर मृत्यु भएको पारिवारीक श्रोतले जानकारी दिएको छ ।
पाँचवर्षदेखि अष्ट्रेलियामा रहदै आएका दाहाल स्थानीय डोमिनोज पिज्जा सेन्टरमा चारवर्षदेखि कार्यरत रहेको बताइएको छ ।
छोरी र श्रीमती भेट्नका लागि डब्बोको टारीमा रहेको घर फर्किने क्रममा रोकिराखेको मालबाहक ट्रकमा उनको कार ठोक्किएको र घटनास्थलमै मृत्यु भएको स्थानीय प्रहरीले जनाएको छ ।
दाहालको सव अष्ट्रेलियामै अन्तेष्टि गरिने भएको छ । दाहालका पिता हरि शर्मा दाहाल, आमा तथा अन्य आफन्त पनि अष्ट्रेलियामै रहेकोले उनको अन्तिम दाहसंस्कार त्यहि गरिने सुझाव आएको बुबा हरि दाहालले बताएका छन् ।
यता दाहालका सासु र ससुरा पनि छोरी ज्वाइ भेट्न अष्ट्रेलिया जान लागेको बेला यस्तो अप्रिय घटना घटेको पारीवारीक श्रोतले जनाएको छ ।
वि.सं.२०७५ पुस २९ आइतवार १३:३७ मा प्रकाशित