हामी सबैकाे संसारन्यूज

२९ पुस, जनकपुर । प्रदेश २ का आर्थिक मामिल तथा योजनामन्त्री विजय कुमार यादवले आफ्नै सचिवमाथि कुटपिट गरेका छन् ।

मन्त्री यादवले उद्योग, वन तथा वातावरण मन्त्रालयका सचिव विद्यानाथ झालाई आफ्नै कार्यकक्षमा बोलाएर कुटपिट गरिएको बताइएको छ ।

मन्त्री यादवले संघीय सरकारको सर्शत अनुदान अन्तर्गतको गरिबी निवारण उद्यम कार्यक्रमका लागि आफ्नो एनजिओलाई छनौट नगरेका कारण आफूमाथि कुटपिट गरेको सचिव यादवले बताएका छन् ।

सचिव झालाई मन्त्रीले कुटपिट गरेपछि विरोध स्वरुप मन्त्रालयका कर्मचारीहरुले मुख्य ढोकामा धर्ना दिएको बताइएको छ । मन्त्री यादवको एनजीओको नाम भने खुलाइएको छैन । कुटाइ खाएका सचिवलाइ प्रहरीले नियन्त्रणमा लिएको बताइएको छ ।
सचिव झा ले आफूमाथि कुटपिट भएो विषयमा बताउँदा संघीय सरकारको संघीय सरकारको सर्शत अनुदान अन्तर्गत एक जिल्लामा दुईवटा एनजिओ छनौट गर्नुपर्ने कार्यक्रम रहेको र त्यसका लागि मन्त्रालयले ४८ वटा आशयपत्र आव्हान गरेर १९३ वटा एनजिओ परेको र ती एनजीओलाई आफै बसेर मुल्यांकन गर्न लगाएको पनि उनले बताएका छन् ।

‘उहाँहरुले अरु पनि दुई तीनवटालाई भन्नुभएको थियो, मैले गर्छु भनेको थिएन । मलाई थाहा थियो म निश्पक्ष गरेको थिए । तपाइहरु मेडियालाई पनि म देखाउन चाहान्छु । त्यसमा उचित मुल्यांकनभएको छ । उहाँको एउटा एनजीओ पैसा बुझिसक्नु चाहि पर्दै परेन ।’ झाले संचारमाध्यमसँगै कुरा गर्दै भने, ‘मैले पैसा बुझिसकेको छु तपाइले तिर्नुस् पैसा भन्नु भयो । मैले भने, तपाइले पैसा बुझेको मैले किन तिर्ने भन्ने बित्तिकै चड्कन लगाउन थाल्नु भयो ।’