२२ माघ, काठमाडौ । सरकाले बुधबारदेखि प्रदेश नं १ को राजधानी विराटनगरबाट पनि श्रम स्वीकृति दिने भएको छ । यससँगै सातै प्रदेशबाट श्रम स्वीकृति लगायत बैदेशिक रोजगारका सबै काम बिकेन्द्रीकरण हुनेछन् । श्रम, रोजगार तथा सामाजिक सुरक्षा मन्त्रालयले विराटनगरबाट सेवा दिने सबै तयारी पूरा भएको जानकारी दिएको छ । सरकारले पुष १५ गतेदेखि प्रदेशबाट सेवा दिन सुरु गरेको थियो । सुरुमा प्रदेश ५ को बुटवल र प्रदेश २ को जनकपुरबाट सेवा सुरु गरेको थियो ।
केही दिनअघि गण्डकी प्रदेशबाट बैदेशिक रोजगारका सेवा सुरु भएको थियो । त्यसअघि कर्णाली प्रदेश र सुदूरपश्चिमबाट पनि सेवा सुरु भएको थियो । सबै प्रदेशबाट वैदेशिक रोजगारीका सेवा सुरु भएसँगै श्रम स्वीकृतिको लागि काठमाडौं आउनुपर्ने बाध्यताको अन्त्य भएको छ । आजको अन्नपूर्ण पोष्ट दैनिकबाट
वि.सं.२०७५ माघ २२ मंगलवार ०८:२७ मा प्रकाशित